आपण रोज सकाळी उठल्यापासुन ते रात्री झोपेपर्यंत ज्या ज्या गोष्टी नियमितपणे करतो त्यास आपली दिनचर्या म्हणतात. उत्तम दिनचर्या ठेवल्याचे अनेक फायदे आहेत. नियमित दिनचर्या असेल तर आपल्या जीवनात अनुशासन राहते, जीवन शिस्तबध्द राहते, शरीराला आणि मनाला चांगल्या सवयी कायमच्या जोडल्या जातात ज्या कठिण प्रसंगांमध्ये आपणास खुप सहाय्यभूत राहतात. सेवा मार्गाच्या अतिशय महत्वाच्या अशा तेजोनिधी ग्रंथात सद्गुरु मोरेदादांचे जीवन चरित्र दिले आहे. त्यात येते की, जेव्हा सद्गुरु मोरे दादा लहान होते त्यांचा नित्यक्रम ते कधीही टाळत नसत. घरातुन शेतात जातांना रोज रामरक्षा, विष्णुसहस्त्रनाम म्हणने चालायचे. वाटेवरची आंब्याची झाडे आता नाही, नाही तर ती झाडेही असती तर त्यांनी सांगितल असातं की हा – हा श्लोक माझ्यापर्यंत पूर्ण होत असे. एखाद्या दिवशी थकल्यामुळे रामरक्षा, विष्णुसहस्त्रनाम म्हनायचे राहिले तरी ते झोपेत ठराविक वेळेला आपोआप होत असे. असा असतो दिनचर्येचा शरीरावर आणि मनावर परिणाम.

भारतीय संस्कृतीत सूर्य ही तेजाची देवता मानली जाते. सूर्य सर्व प्रकारच्या शक्तीचे उगमस्थान आहे. सूर्य जीवनदाता आहे. म्हणुन हजारो वर्षांपासुन सूर्योपासना केली जाते. सूर्य नमस्काराचे मूळ संस्कृत नाव 'सांष्टांग सूर्य नमस्कार' असे आहे. त्याचा अर्थ शरीराच्या आठ अंगांनी सूर्यास वंदन करणे असा आहे.

सूर्य नमस्कार हा शरीर, बुध्दी आणि मन या तिघांवरही नियंत्रण ठेवणारा, त्यातुन सुप्त क्षमता वाढवणारा आणि जागृत झालेली शक्ती सत्प्रवृत्त मार्गाला लावणारा व्यायाम आहे. बालसेवेक-यांनी रोज किमान १३ सूर्य नमस्कार घालावे. सूर्याची बारा नावेः-

1. ओम मित्राय नमः
2. ओम रवये नमः
3. ओम सूर्याय नमः
4. ओम भानवे नमः
5. ओम खगाय नमः
6. ओम पूष्णे नमः
7. ओम हिरण्यगर्भाय नमः
8. ओम मरीचये नमः
9. ओम आदित्याय नमः
10. ओम सवित्रे नमः
11. ओम अर्काय नमः
12. ओम भास्कराय नमः

ओम श्री सूर्य नारायणाय नमः

फास्ट फुड व कोल्ड ड्रिंक टाळावे.

पालेभाज्या, दुध यांचा समावेश आहारामध्ये करावा.

फळं नियमित खावी.